Ќе се користат швајцарски искуства за спречување на поплави во Тетовско

Градоначалникот на Тетово, Биљал Касами денеска ја пречека на средба амбасадорката на Швајцарија во Република Северна Македонија, Вероника Хулман Марти при што се разговарало за швајцарските искуства во спречување поплави и за соработката во различни области поврзани со инфраструктурата, информираат од Општина Тетово.

Хулман Марти ги презентирала проектите поддржани од Швајцарија како и планираните активности во насока на соработка.

-Амбасадорката изрази подготвеност да помогне со швајцарските искуства во нивното спроведување во нашата општина. На средбата се разговараше и за проектот за регулација на реката во село Шипковица како и за регулација на коритото на реката во село Порој. Се разговараше и за изнаоѓање системско решение за заштита од поплави, соопштија од општината.

Од таму додаваат дека градоначалникот Касами изразил благодарноста за поддршката како и подготвеноста за реализација на нови проекти.