Си-Ен-Ен: Ниските температури во Киев – уште една грижа за граѓаните

Ниските температури во Киев додаваат уште една грижа на листата со проблеми на жителите на главниот град на Украина. Со илјадници луѓе засолнети во незагреани подруми, подземни паркиралишта и метро станици низ градот, ненадејниот студен бран е загрижувачки, јави репортерот на Си-Ен-Ен.

Температурите се под нула Целзиусови степени веќе две недели во Киев.

Сега е замрзнувачки студено во градот, луѓе со часови чекаат во редици пред аптеки и продавници, откако се отворија за првпат, по 36-часовен полициски час.

Засега нема проблеми со струја, топлина и вода. Но, сè поголем е стравот од потенцијални нарушувања во снабдувањето, додека долг руски воен конвој се приближува кон градот, јави медиумот.