Тројца велешани се обиделе да извршат кражба од возило во Штип

Штипската полиција вчера лишила од слобода тројца велешани кои се обиделе да извршат тешка кражба од патничко моторно возило.

Според портпаролот на СВР – Штип, Гордана Панајотова, се работи за И.К, Е.А. и А.Р, на возраст од 24 до 29 години. Тие околу 23.00 часот на улицата „Димитар Влахов“ во Штип со уптреба на сила и подесен алат се обиделе да ја извршат кражбата.

Од страна на полициски службеници биле пронајдени и одземени предмети поради сомнение дека биле употребени за извршување на кривичното дело.

По комплетирање на случајот против лицата ќе биде поднесена соодветна пријава.

Во извештајот од СВР се наведува и дека вчера во 14.07 часот во СВР Штип, од Казнено – поправната установа Затвор Штип било пријавено дека при проверка на пратка за осуденикот А.Р. биле пронајдени неколку пакувања со прашкаста материја. Полициски службеници од СВР Штип извршиле увид и прашкастата материја била одземена за натамошна постапка. Се работи на расчистување на случајот, по што ќе следи соодветен поднесок.