Во јануари и февруари оваа година во Охридското езеро запленети 7000 метри рибарска мрежа и над 200 парчиња риба

Вчера, директорот на Државниот инспекторат за земјоделство Зоран Шапуриќ, во Охрид оствари работна средба со претставници на МВР, Регионален центар за гранично управување- Запад и со Езерска полиција.

На средбата е констатирано дека соработката помеѓу овие единици на МВР и Државниот инспекторат за земјоделство е многу добра и постојано се унапредува и дава резултати во спречување на криволовот во Охридското езеро.

Само во јануари и февруари оваа година се запленети 7000 метри рибарска мрежа и 200 парчиња риба од криволовот и риболовен алат.

Разговарано е за тековните активности и идните заеднички активности во заштита на Охридското езеро од криволовот.