Изложба на слики од Анита Огњановска во Кавадарци

Изложба на слики од ликовната уметничка Анита Огњановска, насловена ,,Внатрешен оган”, беше отворена во Домот на културата во Кавадарци, во пресрет на денот на жената, 8 Март.

За творештвото на Огњановска, говореше директорката на културниот дом „Иван Мазов-Климе“, Јулијана Туриманџова.

-Творештвото на Огњановска се состои од повеќе од 600 уметнички дела. Средбата со нејзиното творештво, е возбудливо доживување, рече Туриманџова.

Пред присутните се обрати и уметницата, говорејќи меѓу другото и за тоа, на кои од циклусите на творештво, припаѓаат изложените дела во Кавадарци.

,,Убави лузни”, ,,убавината е под површината”, ,,некогаш добиваш, некогаш губиш” се само дел од уметничките дела кои можат да се видат.

Во рамките на настанот, се дегустираа вина и ракија од ,,Бади винарија”. Беше речено дека како што постои уметност на сликарските платна, така постои уметност и во правењето на производи од грозје.