Социјалистите во Албанија освоија четири градоначалнички места, Баша најголем губитник

Албанските владејачки социјалисти, според до сега пребројаните гласови, триумфираа на вчерашните делумни предвремени избори за градоначалници спроведени во шест општини, Бериша очекува една победа а најголем губитник е Баша.

По освоеното градоначалничко место во општина Вора, каде се гласаше и пребројуваа гласовите електронски и резултатот беше соопштен час по затворање на гласачките кутии, социјалистите ќе ги предводат и општините Рогожина, Љушња и Пешкопеја а во голем предност е нвнот кандидат во Драч.

Единствено во Скадар во предност е кандидатот на коалицијата „Дом на слободата”, поточно на крилото на демократите предвоено од Сали Бериша. Тоа значи дека резултатот остварен на вчерашните избори е најголем удар врз Демократската партија, предводена од Љуљзим Баша.

По Блерим Шерај, чија победа во Вора ја потврди и претседателот на Централната изборна комисија, Илирјан Целибаши, победа прогласија и Едисон Мемола во Рогожина, Рахм Спахиу во Пешкопеја и Ерселида Сефа, која ќе биде градоначалничка на Љушња.

Според до сега пребројаните гласови сигурна победа социјалстите ќе имаат и во Драч, додека сеуште неизвесна е трката во Скадар, меѓу кандидатот на Социјалситчката партија и оној на Бериша, кој е во предност со 5 отсто во гласовите.