Општина Кисела Вода и унгарската Амбасада го одбележаа Денот на Унгарците

Со положување на цвеќе пред спомен плочата на револуционерот Шандор Петефи и со пригодна манифестација, Општина Кисела Вода заедно со унгарската Амбасада го одбележа Денот на Унгарците.

-СЕКОГАШ Е УБАВО ДА СЕ СПОДЕЛАТ УБАВИТЕ МОМЕНТИ СО ПРИЈАТЕЛИТЕ, ТАКА, И ДЕНЕС, УБАВО Е ДА СЕ БИДЕ ДЕЛ ОД МАНИФЕСТАЦИЈАТА КОЈА ЗА УНГАРЦИТЕ ВО МАКЕДОНИЈА И ШИРУМ СВЕТОТ, ЗНАЧИ ОДБЕЛЕЖУВАЊЕ НА ГОЛЕМ ДЕН ОД НИВНАТА ИСТОРИЈА. СЕ ПОКЛОНИВМЕ И ПОЛОЖИВМЕ СВЕЖО ЦВЕЌЕ ПРЕД СПОМЕН ОДБЕЛЕЖЈЕТО НА ИСТАКНАТИОТ ПОЕТ И РЕВОЛУЦИОНЕР ШАНДОР ПЕТЕФИ, КОЈ Е ЕДНА ОД КЛУЧНИТЕ ФИГУРИ ВО УНГАРСКАТА РЕВОЛУЦИЈА ОД 1848 ГОДИНА И ПОСТАВУВАЊЕТО НА ТЕМЕЛИТЕ ЗА ЦЕЛОСНО ОСАМОСТОЈУВАЊЕ НА УНГАРСКАТА ДРЖАВА, ИСТАКНАЛ ГРАДОНАЧАЛНИКОТ НА КИСЕЛА ВОДА, ОРЦЕ ЃОРЃИЕВСКИ.

На одбележувањето присуствувал и унгарскиот амбасадор во земјава Ласло Иштван Дукс, кој се осврнал на ликот и делото на Шандор Петефи, потенцирајќи го неговото значење за Унгарија.

Во рамки на одбележувањето биле доделени и наградите за најуспешните ученици од основните училишта кои учествуваа на конкурсот за проектот „Запознај ја Унгарија“.