„Скала магазин“ го објави четвртиот повик за групна галериска изложба на тема „Поларизација“

Студентската платформа „Скала магазин“ го објавува четвртиот повик за групна галериска изложба, за сите уметници на возраст од 16 до 35 години, кои имаат став на тема „Поларизација“.

-Уметничките дела може да бидат во кој било визуелен медиум -видео арт, сликарство, фотографија, илустрација, графика, скулптура. Секој автор може да пријави максимум три дела. Скала магазин има обврска да ги отпечати и врами делата, да ги изложи во галериски простор, да испечати мал каталог за изложбата, и да организира пригоден коктел за отворањето, информираат од платформата.

На конкурсот ќе бидат разгледани исклучиво дела кои ја обработуваат темата „поларизација“ и дела кои се создадени во временски период помеѓу 10 март и 10 април, 2022 година. Сите дела кои се надвор од овие рамки ќе бидат дисквалификувани.

Aвторите ќе имаат можност да ги продаваат своите изложени дела на Скала продавница. Конкурсот е отворен до 10 април 2022 година на следниот линк.