Секоја среда отворен ден на градоначалникот на Велес за жителите на општината

Од кабинетот на градоначалникот на Општина Велес, Марко Колев за МИА информираат дека секоја среда во просториите на Општината се организира отворен ден, достапен за сите граѓани од градот и селата.

Од таму појаснуваат дека граѓаните бараат средба со градоначалникот и бараат помош и поддршка од него за нивни лични проблеми како здравствени, за вработување и слично. Како и за комуналните проблеми, поправка и бетонирање на улици и други градежни зафати во населбите каде живеат, како и проблеми од водоводната и канализациската мрежа и други.

Непосредната комуникација со граѓаните кои ја дадоа довербата на градоначалникот Колев е пракса ќе продолжи и оваа среда, а средбите се закажуваат кај секретарката на градоначалникот со точно определен термин од 13 до 16 часот кога е приемот на странки.

– Секој со својата приказна, секој со својот проблем, зашто секој од нас е еднакво важен, потенцираат од Општина Велес.

Воедно појаснуваат дека средба со градоначалникот и поддршка од него бараат и успешни ученици, спортисти, уметници, разни здруженија на граѓани и друго.

На многу од нив градоначалникот веќе им ја дал и својата морална и финансиска поддршка од страна на Општина Велес, а не некои веќе им најавил финансиска поддршка за нивните идни активности, додаваат од кабинетот на Колев. Поддршката е во согласност со можностите на Буџетот на Општина Велес, предвиден за оваа ставка.