Во 20 арондисман на Париз синоќа кратко време била хакирана програмата на радио „Франс Интер“

Програмата на „Франс Интер“ синоќа била хакирана и имало пречки во слушањето и емитувањето на нејзината ФМ мрежа во Париз Ест кога биле објавени првите резултати од првиот круг на претседателските избори, во моментите кога се емитуваше говор „против политичари, технократи или дури и новинари“, јави дописникот на МИА.

Во времето на традиционалните резултати и анализи од првиот круг на претседателските избори, „пиратски предавател ја разнесе фреквенцијата на станицата“, забранета техника, изјавија од радиото, потврдувајќи ги информациите од весникот „Монд“. Според весникот, „неколку минутен говор насочен против политичари, технократи или дури и новинари“ се емитувал „во круг“ повеќе од еден час и „сè уште не бил прекинат во 21:27 часот“.

Франс Интер „не можеше да ја идентификува содржината на овој говор“. Радиото појасни дека „се работи само за мрежата што го покрива 20-тиот арондисман на Париз“. „Го откривме со твит“ од поединец, додаде радиото кое не доби никакво преземање на одговорноста за актот до 23:00 часот.

„Апсолутно ни е жал и правиме се за да разбереме што се случи и да спречиме да се повтори“, напиша на Твитер директорката на Франс Интер, Лоренс Блок, по овие пречки.