Ериксон ги стопира сите бизнис активности во Русија

Шведскиот производител на телекомуникациска опрема Ериксон утринава објави дека ги суспендира сите деловни активности во Русија, проценувајќи ја цената на овој потег на 95 милиони долари.

„Со оглед на неодамнешните настани и санкции на Европската унија, компанијата на неодредено време го прекинува бизнисот со клиентите во Русија погодени од овие фактори“, се вели во соопштението.

Вработените во Русија ќе одат на платен одмор, додаваат тие.

Компанијата ќе издвои 900 милиони шведски круни (95 милиони долари) во првиот квартал за оштетување и други вонредни трошоци поврзани со овој потег.

Ериксон ги паузира испораките до клиентите во Русија во февруари.