Концерт во рамки на фестивалот „Денови на македонска музика“

Концерт под диригентство на Борјан Цанев, на кој солистички настап ќе имаат Билјана Камчева на флејта, Лазар Соколов на кларинет, Огненка Герасимовска-Димитровска на пијано и Горан Начевски на баритон, ќе се одржи денеска во рамки на фестивалот „Денови на македонска музика“.

Програмата ги вклучува Концертот за флејта, кларинет и оркестар од Љубомир Бранѓолица кој ќе доживее премиерна изведба, како и Концертот за пијано и оркестар од Властимир Николовски и Симфонијата „Убави денови“ од Живоин Глишиќ.