Групна изложба „Возвишување“ по повод Светскиот ден на уметноста

Во уметничката галерија „Метаноја“ во Скопје денеска ќе се отвори групната изложба „Возвишување“ во кураторство на Климе Коробар која ќе трае до 15-ти следниот месец.

-15-ти април e Светски ден на уметноста, но и ден роденден на Леонардо да Винчи, чиј дух и дело преставуваат светско културно наследство. Оваа изложба во која се застапени уметници од повеќе земји, има цел да ги потенцира врските кои нѐ обединуваат и придонесуваат во градењето на една единствена, но и сепак поинаква христијанска култура“, вели за изложбата кураторот Коробар.

Автори на делата се Денис Тенев, Доне Милјановски, Роман Кисјов – Бугарија, Симон Шемов, Владимир Георгиевски, Павле Кузмановски, Вели Блакчори – Косово, Атанас Атанасов – Бугарија, Бернхард Холеман – Австрија, Глигор Чемерски, Евгенија Демниевска, Илија Кочовски.

На изложбата ќе се обратат кураторот Коробар, рецензентот Коста Милков, како и директорот на Комисијата за односи со верските заедници Даријан Сотировски.