Околу 50 вреќи ѓубре на Охридското крајбрежје собраа извидниците и „Чист Охрид"

Околу 50 вреќи ѓубре се собрани од просторот кај Извидничкиот центар, Коселска Река и Охридските плажи во денешната акција на извидниците и неформалната еколошка организација „Чист Охрид“.

Се собра најмногу отпад од пластични шишиња, ќеси, марамчиња, стакло, но и телевизор и пластични столови, информира организаторот.

Во акцијата, како што соопшти, учествувале 80-тина извидници од 23 европски земји.

– УПАТУВАМЕ АПЕЛ ДО СИТЕ ГРАЃАНИ, ДА ЈА ЧУВАМЕ НАШАТА ОКОЛИНА И ПОСТОЈАНО ДА РАБОТИМЕ ЗА ПОДОБРУВАЊЕ НА ЖИВОТНАТА СРЕДИНА, ПОРАЧА „ЧИСТ ОХРИД“.