Втора форумска сесија „Регионални форуми во заедницата“

Во просториите на Стопанска комора на Македонија денеска ќе се одржи втора последователна сесија од програмата „Регионални форуми во заедницата“.

Оваа сесија се организира во рамки на проектот „Одржлив и инклузивен рамномерен регионален развој“, со поддршка од Министерството за локална самоуправа и Швајцарската агенција за развој и соработка.

Како што соопштија од Центарот за развој на Скопскиот плански регион, на оваа сесијата ќе бидат презентирани концепт решенијата за предлог проектите за Грантова шема и презентација на концептите од листата на проекти за Програмата за рамномерен регионален развој на БРР/МЛС.

На сесијата, исто така, ќе биде дадено образложение за критериуми за избор на проекти од Грантова шема како и начинот на гласање. По дискусијата за презентираните проекти ќе се изврши избирање т.е. рангирање на концептните решенија од грантовата шема.

-Регионалниот форум во заедницата е програма која има за цел вклучување на граѓаните во процесот на донесување на одлуки и зголемување на транспарентноста и одговорноста на општините и регионот.