Етапно се уредува рекреативната патека крај Дојранското езеро

Во рамки на проектот за доизградба на рекреативната патека крај Дојранското езеро, започна нејзиното етапно уредување на потегот од ресторанот „Гранико", до граничниот премин со соседна Грција.

– Патеката со должина од 1.285 метри,се протега паралелно со регионалниот пат R- 105 кој води до граничниот премин Дојран.Ќе биде уредена со бекатон плочки,обезбедена со потпорни ѕидови и со изграден паркинг простор.Очекуваме да го разубави овој дел од градот и да придонесе за поголема привлечност на странските и домашните гости од југоисточниот регион кои се најбројни на Дојранското езеро, велат од општината.

Рокот за доизградба на патеката е до почетокот на летната туристичка сезона,или нејзиниот шпиц во месец август,кога ќе понуди нова инфраструктура и можност за рекреација на гостите покрај езерото.

Реализацијата на проектот ќе чини 5,2 милиони денари што се обезбедени преку Бирото за регионален рамномерен развој и дел од сопствено учество на општина Дојран.