Млади тиквешани со изложба на фотографии за македонската култура

Млади тиквешани организираа изложба на фотографии кои говорат за македонската култура.

Настанот беше реализиран синоќа во Музеј на град Неготино. Пред присутните беше кажано дека млади од кавадаречка и неготинска општина, твореле во текот на изминатите четири месеци. Во неколку наврати учеле за фотографијата и професионалното фотографирање. Нивни едукатори биле младинските работници Ѓорѓи Лазов и Мартина Јачевска.

-Младите учесници во проектот се стекнаа со нови знаења околу фотографството, но и со знаења и искуства во полето на неформалната едукација и волонтерството, како и со вештини за организирање на настани од јавен карактер, беше посочено при отварањето на изложбата.

Во рамки на проектот, чии организатори се Сојузот за младинска работа и Неготинскиот музеј, била реализирана и креативна, интерактивна и едукативна работилница, во која биле вклучени и лица со попреченост.