Отворен повик за 13. Фестивал за кратки филмови „Balkans Beyond Border“

Balkans Beyond Borders (BBB) ги повикува младите македонски режисери да ги пријават своите филмови на 13. издание на интернационалниот фестивал за кратки филмови.

Фестивалот првпат ќе се одржи во земјава и тоа во Битола, откако во последните 12 години патуваше во Белград, Тирана, Атина, Букурешт, Сараево, Солун, Брисел, Нови Сад, Измир и Приштина.

Фестивалските награди ќе ги додели жири составено од познати професионалци од филмската индустрија. Наградата за најдобар филм е 1.000 евра, а ќе биде доделена и награда за најдобар дебитантски филм, специјални признанија и награда од публиката.

Конкурсот е отворен за младите уметници од Балканот и пошироко, а рокот за пријавување е до 31 мај оваа година.

За условите и начинот на пријавување може да се прочита на http://www.balkansbeyondborders.eu/extension-of-the-submissions-period-of-the-13th-edition-of-balkans-beyond-borders-short-film-festival/.