Доделување на наградите „Златен објектив“ за 2022 година

На сцената на летното кино „Мирно Лето“ на Кинотека денеска ќе бидат доделени годишните награди „Златен објектив“ на филмски работници кои преку својот професионален ангажман придонеле за создавањето, развојот, промовирањето и популаризацијата на македонската кинематографија.

Добитници на наградата годинава се филмската монтажерка Олга Луковска-Дончиќ и филмскиот критичар Благоја Куновски-Доре.

На лауреатите ќе им бидат доделени традиционални пригодни плакети и значки стилизирани во духот на кинотечните вредности.