Награди за актери од струмичкиот театар на фестивал во Враца, Бугарија

Актерката Танкица Стојанова и актерите Горги Трајков и Никола Костадинов од струмичкиот театар „Антон Панов“ од Струмица се добитници на награди на 32-то издание на Националниот фестивал на мали театарски форми и 10. Фестивал на Новата европска театарска акција што од 16 до 21 мај се одржа во Враца, Бугарија.

Фестивалското жири наградата на Стојанова и ја додели за улогата на Ева во претставата „Умри машки“ од Алдо Николај“ во режија на Кире Ѓоргиев во продукција на струмичкиот театар.

Младите актери Ѓорги Трајков и Никола Костадинов добија специјална награда за нивните ролји во истоимената претстава.

Големата награда Благој Стефановски, востановена по основачот на НЕТА фестивалот и поранешен долгогодишен директор на битолскиот театар и министер за култура, ја освои актерот Огњан Симеонов за ликот на Порфириј Петрович во „Злосторство и казна“ од Фјодор Достоевски, во режија на Дамјан Тенев, во продукција на Драмски куклен театар од Враца.