Концерт на млади музички уметници во Музејот на Неготино

Концерт на млади музички уметници се одржа синоќа во Музејот на Неготино. Пред љубителите на класичната музичка уметност се претставија Јелопи Седеу Нишевиќ-соло пеење и Трајче Станков и Горјан Стојановски на пијано, сите ученици во државниот музичко балетски училишен центар „Илија Николовски-Луј“ во Скопје.

Младите уметници пред неготинската публика се претставија со богата програма на Ј.С Бах, Л.Ван Бетовен, Рахмањинов, Ф.Кавали, Астор Пјацола.

-Со овие концерти, како и досега, Музејот отстапува и дава простор на млади музички уметници, кои се никулец на идни музичари и врвни пијанисти, рече директорката на Музејот, Драгица Чекорова, најавувајќи и уште многу други интересни културни настани за во иднина.