Две лица се осудени на по пет години затвор за напад врз новинар во Холандија

Две лица се осудени на по пет години затвор за напад врз новинар во Холандија.

Тие беа прогласени за виновни од судот во северниот град Гронинген под обвинение за обид за убиство и подметнување пожар откако фрлиле молотов коктел во неговиот дом. Двајцата го извршиле нападот затоа што биле незадоволни од негативниот начин на кој, според нив, новинарот Вилем Гроневелд ги покривал протестите против карантинот воведен поради коронавирусот.

Во нападот немаше повредени. Сепак, Гроневелд за време на судењето рече дека оттогаш се чувствувал „делумно лишен од својата новинарска слобода“.

„Новинарите играат важна улога во обликувањето на јавните дискусии и треба да можат слободно да се изразуваат без страв за својата безбедност“, наведе судот.