Пожар во фабрика за растворувачи во Милано, шестмина повредени

Шест лица се повредени, од кои едно потешко, во пожар што денеска избувна во фабриката Нитролхимика во индустриската зона во Милано, која се занимава со производство на растворувачи и отстранување на опасен отпад.

Според локалните медиуми, изгореле илјадници литри растворувач, а од граѓаните е побарано да ги затворат прозорците.

Во гаснењето на пожарот учествувале околу 100 пожарникари, додека полицијата го обезбедувала теренот.

Биле ангажирани и хеликоптери кои земале примероци од воздухот за да се провери загадувањето.