Во Јужна Кореја уапсена жената осомничена за убиство на двете деца, пронајдени во куфери во Нов Зеланд

Полицијата на Нов Зеланд денеска соопшти дека Јужна Кореја е уапсена жената која е осомничена за убиството на две деца, чии тела во август беа пронајдени во куфери, јави Би-Би-Си.

Станува збор за случај што го потресе Нов Зеланд, а телата ги открија странци кои купиле орман за складирање од магацин во Оукленд.

Во него пронашле куфери со тела на убиени деца кои наводно биле во нив со години. Корејската полиција соопшти дека жртвите биле на возраст од седум и 10 години.

Нов Зеланд побара екстрадиција на жената од Јужна Кореја.

Полицијата соопшти дека во последните три недели тесно соработувала со јужнокорејските власти во потрагата по жената на 40-годишна возраст, откако минатиот месец соопшти дека верува дека таа е во Јужна Кореја.

Полицијата била фокусирана на жената откако успеале да ги идентификуваат децата, чии имиња не се соопштуваат.

Полициски агенти утринава ја пронашле жената со корејско потекло како се крие во стан во градот Улсан. По неа Интерпол е имаше распишано меѓународна потерница.

Локалните медиуми јавија дека се верува дека осомничената е поврзана со децата. Тие пишуваат дека семејството живеело во Оукленд неколку години и дека таткото на децата починал пред нивната смрт.

Според полицијата, семејството кое ги пронашло телата на почетокот на август немало никаква врска со смртта на децата и претрпела агонија по откривањето.