Изгаснат пожарот во 42-катна зграда во кинескиот град Чангша

Двеста и осумдесет пожарникари го гаснеа огнот што избувна во зграда висока над 200 метри во кинескиот град Чангша.

Зградата е во сопственост на „Чајна телеком“, една од најголемите кинески телекомуникациски компании.

Сè уште не се познати причини за пожарот во 42-катниот облакодер.

Нема информации за евентуални жртви во пожарот.

Иако „Чајна телеком“ соопшти дека поради пожарот не се во прекин телекомуникациските услуги, голем број претплатници се пожалија дека немаат сигнал.