Ги искршиле прозорците за да избегаат: Чад во автобус на поранешна Беса транс ги преплашил патниците

Се појавил чад во автобус на компанијата Ројал травел, поранешна Беса транс, јави ТВ21.

Автобусот се враќал од Грција. Во близина на Велес во него се појавил чад, по што персоналот на автобусот ги повикал патниците да излезат од автобусот. Но, во тој момент вратите не биле отворени, по што патниците ги скршиле стаклата за да избегаат.

Засега нема информации за повредени, но секако патниците доживеале силна паника и стрес.

Според информациите на ТВ21, повеќето од патниците се на возраст под 18 години.