Ватикан: Продолжува постепеното опоравување на папата Франциск

Постепеното бавно закрепнување на папата Франциск продолжува откако пред повеќе од две недели ја напушти римската болница „Агостино Џемели“, каде што се лекуваше од пневмонија, соопшти денеска прес-службата на Ватикан.

Процесот на закрепнување продолжува, а папата е добро расположен, пренесува „Ватикан Њуз“.

Како што се наведува, тој прима терапија и ги извршува работните активности, телефонски разговори и прима црковна документација. Остатокот од времето папата го поминува во одмор и молитви.