Виткоф: Контролата на збогатувањето ураниум во фокусот на договорот на САД со Иран

Секој договор со САД за иранската нуклеарна програма ќе зависи првенствено од контролата на Техеран над нивото на збогатување ураниум и можноста да произведува нуклеарно оружје, предупреди специјалниот пратеник на Доналд Трамп за Блискиот Исток, Стив Виткоф.

„Тоа главно ќе биде за проверка на иранската програма за збогатување ураниум и неговите способности за нуклеарно оружје“, рече Виткоф во интервју за Фокс њуз, додавајќи дека тоа ќе биде „клучна точка“ на преговорите.

Иран и САД, кои немаа дипломатски односи од 1980 година, одржаа разговори минатата сабота, со посредство на властите во Оман, за иранската нуклеарна програма.

„Првата средба беше позитивна, конструктивна и убедлива“, рече Виткоф.

Тој додаде дека Техеран „не треба да збогатува (ураниум) на повеќе од 3,67 отсто“, што е максималното ниво поставено со мултилатералниот договор од 2015 година од кој САД се повлекоа во 2018 година за време на првиот претседателски мандат на Трамп.