Анкета: Поделено мислењето на Грците за евентуални предвремени избори

Речиси четворица од десет Грци (39 отсто) сметаат дека земјата треба што е можно поскоро да оди на предвремени избори, а исто толку сметаат дека е подобро актуелната Влада да го заврши четиригодишниот мандат и изборите да се одржат регуларно во 2027 година, покажуваат резултатите од истражувањето на јавното мислење спроведено од агенцијата „Pulse“ за телевизијата „Скај“, јави дописничката на МИА од Атина.

На политичката сцена, Нова демократија е прва со 24 отсто, на втората и третата позиција со разлика од 0,4 проценти се левичарската Курс на слобода и ПАСОК со 11,4 и 11 отсто, а потоа следат десничарската Грчко решение, Комунистичката партија и СИРИЗА.

Истражувањето на јавното мислење на агенцијата „Pulse“ за телевизијата „Скај“ било спроведено од 25 до 28 април со анкетирани 1.144 лица со право на глас.