СЗО: Социјалните неправди одредуваат повеќе од 50 отсто од здравјето

Условите за домување, приходите, образованието и другите социјални фактори влијаат на здравјето повеќе од генетиката или квалитетот на здравствениот систем, покажа нова студија на Светската здравствена организација (СЗО).

Таквите социјални фактори, како и неповолната положба и дискриминацијата, одредуваат повеќе од 50 отсто од здравјето, според истражувањето кое денеска треба да биде презентирано и емитувано во живо од Женева.

Тоа се фокусира на „социјалните детерминанти на здравствената еднаквост“, дефинирани од СЗО како „условите во кои луѓето се раѓаат, растат, живеат, работат и стареат, како и пристапот на луѓето до моќ, пари и ресурси“.

Сите овие фактори се покажа дека силно влијаат на неправедните здравствени разлики кои можат да се избегнат.

- Милијарди луѓе се соочуваат со поголем ризик од болести и смрт само поради условите во кои се родени, како што е областа во која живеат и социјалната група на која припаѓаат, рече генералниот директор на СЗО Тедрос Аданом Гебрејесус.

- Голем дел од глобалното бреме на болести и смртност може да се спречи. Здравствената нееднаквост не е случајност: Таа произлегува од начинот на кој општеството ги распределува ресурсите и можностите, засилено од политичките избори и лидерство, на што ние, како глобални лидери, имаме моќ да влијаеме, истакна тој