Завршена реконструкцијата во студентскиот дом Гоце Делчев

Во студентскиот дом „Гоце Делчев“ целосно се завршени градежните активности за реконструкција на блокот А, како втора фаза од процесот за целос­на обнова на домот. Досега целосно се реновирани блоковите А и Б, а за десетина дена се очекува да започнат активностите и за реновирање на останатите два блока В и Г и до следната година да бидат целосно завршени.

Увид денеска извршија замeник министерот за образование и наука Спиро Ристовски и лидерот на ВМРО-ДПМНЕ Никола Груевски.

Ристовски информираше дека реконструкцијата на блокот А е инвестиција вредна околу 1,5 милиони евра, средства со кои е извршена замена на врат­ите, прозорците, под­овите, електричната и водоводната инстал­ација, системот за парно греење, молерис­ување на ѕидовите, нови лиф­тови и комплетно нова опрема во сите соб­и.

За двата блока кои до­сега се обновени, ин­вестирани се 3 милио­ни евра. Секој од блоковите во просек имаат меѓу 320 и 335 легла, што само по себе е како една висококатница. Втората крупна инвес­тиција која се реализира е набавката на мебел­от за сите државни студентски домови. Во следните 45 дена се очекува на ниво на цела држава да се заврши со замена на мебелот, а на барање на самите студенти набавени се перални и сушални исклучиво за нивни потреби, изјави Ристовски.

Посочи дека станува збор за инвестиција вредна 200 илјади евра, со што ќе се набават 50 професионални ма­шини за перење и 50 професионални машини за сушење алишта со капацитет до 10 кил­ограми.

– Тие ги ветивме минатата година во рамки на 40 проекти за млади. Од четири блока, блоковите А и Б веќе е се комплетно завршени и следуваат блоковите В и Г. Идејата беше да не се затвори студентскиот дом две години за да се реновира, туку студентите да има каде да престојуваат, а дел по дел да се заврши. Се што ветивме се реализираше, изјави Груевски.

Целосната реконструкција на студенсткиот дом „Гоце Делчев“ во која се опфатени и останатите два блока продолжува и пона­таму, а веќе е избрана и компанија која ќе ги обнови.

Набавката на мебел­ за сите државни студентски домови веќе е во завршна фаза, а во тек е и замена на стариот мебел и во сите ос­танати домови во Ско­пје, по што ќе бидат опфатени и домовите во другите градови.

Станува збор за инв­естиција од 1,5 мили­они евра и таа ќе би­де заокружена во сле­дните два месеци.

Дека студентите полека добиваат услови за достоинсвен живот сведочи и набавката на 50 професионални ма­шини за перење и 50 професионални машини за сушење алишта со капацитет до 10 килограми инвестиција вредна 200 илјади евра.

Ристовски информираше дека досега во унапредување на смест­увачките капацитети во студенсткиот дом „Гоце Делчев“ биле инвестирани околу 6 милиони евра.

Директорката на студентскиот дом „Гоце Делчев“ Даниела Темелкова рече дека со реконструкцијата се подигнува студентскиот стандард и студентите ќе имаат поголемо задоволство од својот престој во овој студентски дом.