Серхио Агуеро и Пеп Гвардиола беа одредени за играч и тренер на месец февруари во Премиер лигата, откако Манчестер Сити ги освои сите четири натпревари во текот на месецот, за да се врати на врвот во првенството. Агуеро постигна седум гола, вклучувајќи два „хет-трика“, и ја предводи листата на стрелците пред минатогодишниот најдобар реализатор Мохамед Салах од Ливерпул.

Пари Сен-Жермен можеби ќе има нов претседател следната сезона. Новиот неуспех на тимот во Лигата на шампиони и елиминацијата во осминафиналната фаза од Манчестер Јунајтед среде „Парк де Пренс“ може да доведе до смена на претседателот Насер Ал-Хелаифи, пишува „Паризиен“.

Неизвесно е кога и дали воопшто ќе продолжи првенството во пролетниот дел од Третата фудбалска лига – исток, поради неподмирени финансиски обврски на клубовите.

Клаудио Раниери пристигна во Рим на разговори со Рома, објавија италијански медиуми.

И покрај елиминацијата од Лигата на шампионите, Париз Сен Жермен нема намера да се раздели со тренерот Томас Тухел. Покрај тоа, менаџментот има намера да му понуди нов договор на германскиот стратег, кој работи во Париз од летото 2018 година, пишуваат во Франција.

Европската фудбалска централа даде официјално соопштение со кое ја поддржи одлуката на Дамир Скомина да досуди пенал во корист на Манчестер Јунајтед во дополнителното време на дуелот со ПСЖ (1:3) пред неколку дена.

Тројца од клучните играчи на Манчестер Јунајтед кои лекуваа повреди, ќе бидат на располагање на Оле Гунар Солскјер за неделното дерби со Арсенал на „Емирати“. Тоа се Антони Марсијал, Немања Матиќ и Андер Ерера. Ерик Баји, кој доби повреда во првото полувреме на дуелот со ПСЖ, исто така ќе биде на располагање.

Шефот на Барселона, Пеп Марија Бартомеу призна дека ако каталонците се нашле во ситуација, слична на онаа во која се наоѓа Реал Мадрид сега, би поднел оставка.

Маруан Фелаини веќе нема да игра за белгискиот национален тим. Играчот од средниот ред ја заврши кариерата со репрезентацијата на Белгија, в која дебитираше пред 12 години.

Претседателот на Реал Мадрид, Флорентино Перез сака на чело на тимот да се врати Жозе Мурињо, но неговата идеја не наоѓа истомисленици во раководството на шпанскиот гигант, соопштува „АС“. Всушност, Перез е единствениот од одговорните фактори кои сака Португалецот да се врати во „Сантијаго Бернабеу“.