Неколку пријави за изборни нерегуларности има доставено во основните јавни обвинителства, соопшти Јавното обвинителство на Република Македонија.

На прашањето дали се регистрирани неправилности во текот на изборниот процес, Гугучевска изјави дека ДИК во моментов е во постојано заседание, односно има седница на која сите предизвици кои се појавуваат во текот на гласањето се решаваат.

Излезноста на гласањето на ниво на Република Македонија на денешните избори до 13 часот според податоците што ги соопшти Државната изборна комисија изнесува 27,11 проценти.

Непочитување на постапката на гласање од страна на избирачките одбори, Алексов ги посочи на гласачко место 0001 во општина Берово каде откинати биле 5 гласачки ливчиња заедно со серискиот број. ИО направил записник за тоа и гласањето продолжило.

Денешниот изборен ден во Општина Карпош почна бурно и со неправилности. Околу 10:30 часот на изборното место број 2645 забележан е обид на таканаречен бугарски воз каде што набљудувачите веднаш реагирале, и истото место е затворено.

Досега има седум пријави за делење на поткуп, а прекини имало на дваесетина избирачки места, поради технички причини и гласањето продолжило откако е решен проблемот.

Прекинот на гласачкото место 2686 во општина Аеродром во детската градинка на улица Коста Новаковиќ бил бидејќи гласачот во една кутија, по грешка ставил две ливчиња, соопштија од Државната изборна комисија.

Во општина Аеродром на избирачкото место 2686 во детската градинка на улица Коста Новаковиќ, гласањето е во прекин откако интервенирала полиција поради гласач на кој му фалело избирачко ливче.

Денеска во околу 10 часот на гласачко место во ОУ „Петар Здравковски – Пенко“ во Бутел се случила тепачка помеѓу две лица.

Граѓанската асоцијација МОСТ го следи денешното гласање со повеќе од 2.500 набљудувачи. На гласачките места се распоредени 2.100 набљудувачи кои покриваат околу 50% од гласачките места во Република Македонија.