До 13 часот на денешниот референдум на гласање излегле 261.473 гласачи или 16,00 отсто од вкупно запишаните во Избирачкиот список, соопшти на прес конференција претседателот на ДИК Оливер Денковски.

Во општина Дебар излезeноста на граѓаните на референдумското гласање до 13 часот е 13 отсто додека во соседната општина Центар Жупа околу 12 отсто.

Општинските изборни комисии во Новаци и Могила го пресметаа излезот на населението на гласање и бројот на гласачи заклучно со 13 часот.

Портпаролот на ВМРО-ДПМНЕ, Наум Стоилковски на новинарско прашање дали ќе излезе да гласа лидерот на ВМРО-ДПМНЕ, Христијан Мицкоски тој пренесе информација дека тоа нема да се случи.

-Прогласувањето на независноста на Р. Македонија сметам дека денес е најбитен ден за опстојот на Македонија. За мене е лично понижување, газење на моето достоинство да гласам дали да се прекрсти Македонија или не. Нема цена што може да е компензација за преименување на мојата татковина. Кршење на основно човеково право е друг да ти каже кој си и што си.

Гласањето во Кичево се одвива без проблеми на сите 114 избирачки места кои се отворени на време.

Излезеноста на граѓаните за референдумот до 11 часот во Крива Паланка е 13 отсто, а во Ранковце избирачкото право го оствариле 7.24 отсто од граѓаните.

Во Општина Штип своето право на глас до 11 часот го искористиле 9,8 проценти од вкупниот број гласачи или на 77 избирачки места гласале 4.129 граѓани од 41.854 гласачи кои се на избирачкиот список.

Највисока излезност има во општина Центар 13,31 процент, Крива Паланка 13,8 и општина Карпош 12,51, а најниска излезност има општина Могила 3,16 и Пласница 3,30.

Претседателот на Здружението „Цивил - Центар за слобода“ Џабир Дерала, на денешната прес-конференција изјави дека на референдумското изјаснување се забележани технички проблеми, неправилности во Избирачкиот список, доцнење при отворањето на некои избирачки места, како и кршење на изборниот молк.