На вчерашниот референдум гласале 666.743 граѓани или 36,91 од вкупно запишаните во Избирачкиот список, соопшти ДИК по преброени 100 отсто од избирачките места.

Граѓаните кои вчера излегоа на референдумот и дадоа поддршка за интегрирањето на Македонија во ЕУ и НАТО преку Договорот со Грција, им даваат целосен легитимитет на институциите да продолжат со имплементација на обврските кои произлегуваат од Договорот. Собранието од денеска ја презема обврската околу целиот процес, а одлуката е натпартиска и нешто што е во интерес на сите граѓани на земјата.

За неколку дена ќе се знае дали постои амбиент за постигнување договор со опозицијата за двотретинско мнозинство кое е потребно за да се изгласаат уставните измени во Парламентот кои произлегуват до Договорт за името со Грција. Ова го истакна денеска премиерот Зоран Заев во изјава дадена по свечениот час на новозапиишаните студенти на ФИНКИ.

Високата претставничка за надворешна политика на ЕУ Федерика Могерини и еврокомесарот за проширување Јоханес Хан, во заедничка декларација, порачаа дека огромното мнозинство од граѓаните ја поддржаа спогодбата со Грција.

Партијата Река, на која грчката Влада поентира за мнозинство во Парламентот за ратификација на договорот, во соопштението по резултатот од референдумот коментира дека „повеќето беа рамнодушни или не се согласуваат, факт што сведочи дека преферираат пролонгирање на денешната ситуација, сметајќи очигледно дека договорот со Грција е болен компромис“, но потенцираат дека Грција треба да го поддржи европскиот пат на соседната земја.

Светските агенции во своите утрински извештаи му даваат забележлив простор на вчерашниот референдум во Македонија, оценувајќи дека Договорот од Преспа е се уште актуелен, и покрај ниската излезеност, што е своевиден политички удар за македонскиот премиер Зоран Заев.

Поранешниот посредник на ЕУ во преговорите за Договорот од Пржино Питер Ванхауте синоќа на својот Фејсбук профил им честиташе на мнозинството граѓани што го поддржаа Договорот од Преспа на референдумот.

Весникот Политико Европа, влијателен во високите дипломатски и одлучувачки сфери во Европската Унија во својот уреднички коментар утрово се осврна на исходот од вчерашниот референдум во Македонија.

Социјалдемократската група во Европскиот Парламент им честита на македонските граѓани за нивната поддршка за Преспанскиот договор и смета дека цензусот не бил постигнат поради манипулативната кампања.

САД ги поздравуваат резултатите од референдумот во Македонија на 30-ти септември, на кој граѓаните изразија поддршка за членство во НАТО и ЕУ со прифаќање на Договорот од Преспа меѓу Македонија и Грција, соопшти синоќа Стејт департментот.