Придобивките од членството во ЕУ и НАТО, а особено искоритеноста на европските фондови се од исклучителнаа важност за модернизирање на овоштарството и на преработувачките капацитети во овој сектор, порача на денешните трибини со земјоделци во Ресен и во селото Царев Двор, министерот за земјоделство,шумарство и водостопанство, Љупчо Николовски.

Референдумот во недела е историска, животна шанса на нашата генерација, преку која ја обезбедуваме нашата иднина.

Здружението на Македонците од егејскиот дел на Македонија „Т’га за југ“, што обединува повеќе здруженија, го поддржа претстојниот референдум и ги повика сите да излезат да гласаат за, како што наведува, „за подобра иднина за нас, нашите потомци и нашите идни генерации“.

Градоначалникот на Општина Делчево Горан Трајковски на денешното обраќање, по повод претстојниот референдум, истакна дека Европската Унија ги отвора вратите за „европско Делчево“

Македонското друштво „Илинден” со седиште во Тирана и огранокот за Голо Брдо, ги повикуваат Македонците во Албанија, со право на глас во Македонија, да го бојкотираат претстојниот референдум во Република Македонија што ќе се одржи в недела, на 30 септември 2018 година.

Граѓаните да го искористат своето со Устав гарантирано право и да излезат и учествуваат во носењето на најважната одлука за иднината на нашата држава, повика на последниот ден од кампањата за референдумот на 30 септември, претседател на Собранието на Република Македонија Талат Џафери заедно со координативното тело, а во име на сите 120 пратеници коишто водеа кампања „за“ или „против“.

Младите европски федералисти од Европа, Македонија и Грција (ЏЕФ Европа, ЏЕФ Македонија и ЏЕФ Грција) го поздравуваат Преспанскиот договор и апелираат владите од двете земји соодветно да го спроведат. Воедно ги повикуваат македонските граѓани на 30 септември да го остварат своето избирачко право и да излезат на референдумот.

Граѓанската иницијатива „Зачекори напред“, денеска при завршувањето на граѓанската кампања „Зачекори напред! Изборот е твој!“, ги повикува граѓаните на 30 септември да излезат и да го искористат своето право на глас, за едно од најважните прашања во поновата македонска историја.

Градоначалникот на Кочани, Николчо Илијев ги повика граѓаните од општината да излезат на гласање за претстојниот референдум и да учествуваат во креирањето на подобра иднина на Македонија.

Претседателот на партијата „Достоинство“ Стојанче Ангелов ги повика денеска граѓаните на Македонија да гласаат „за“ на референдумот на 30 септември, наведувајќи дека оваа година Владата предводена од премиерот Зоран Заев успеала да најде решение.