Уставните амнадмани не се напишани ниту се преговарани. Нив ќе ги формулира Собранието на Република Македонија со големо двотертинско мнозинство, со јавна дебата, со расправа по комисии. Тоа е процес со цврсти рокови утврдени во деловникот на Собранието, рече шефот на дипломатијата Никола Димитров на прес-конференцијата во Владата за појаснување на сите аспекти од Договорот со Грција.

Одговорот на претседателот на државата Ѓорге Иванов дека нема да гласа на референдумот не не изненадува. Да се каже дека не се гласа е срамно бегство од одговорноста и тоа не се кажува во Македонија, туку преку океанот, изјави министерот за надворешни работи Никола Димитров на денешната прес-конференција во Владата, коментирајќи ја изјавата на Иванов дадена во Детроит.

Доволно созреавме како општество за да се соочиме со реалноста - патот кон ЕУ и НАТО води преку договорот со Грција за името, и таква е релноста. Сите лидери почнувајќи од генералниот секретар на НАТО Јенс Столтенберг до германската канцеларка Ангела Меркел укажаа дека нема план Б за да седиме на таа маса и сите што веќе седат, сакаат да не видат таму.

Од нас зависи дали ќе ја сочуваме одлуката од првиот референдум за Република Македонија во која ќе бидеме свои на своето или правно ќе се укинеме како народ и ќе дозволиме некој друг да ни го толкува минатото и да ни ја одзема иднината, порача претседателот на Република Македонија, Ѓорге Иванов, за време на посетата на македонската заедница во Њу Џерси.

Ниеден политичар нема мандат да преговара за идентитетот на еден народ. Мнозинството македонски граѓани не гласале за програма во која е предвидена промена на Уставот на Република Македонија заради промена на уставното име на државата.

Нема план Б за европската иднина на нашата земја. Заслужуваме да бидеме дел од Европа на која чекаме 27 години. Ни треба одлучност, а не калкулантство. Треба да се има изграден став бидејќи се носат историски одлуки. Ваква порака упатија поддржувачите на референдумското „ЗА“ на вчерашните средби и трибини со граѓаните, на само шест дена пред изјаснувањето на референдумот.

Димитров обраќајќи се кон велешани потсети дека ова е градот на Рацин кој пишуваше за силно светнат ден.

- Затоа гледаме како сме здружени сите заедно. И бизнисмени се со нас, и спортисти се со нас, и синдикатите се со нас, и коморите се со нас-сите се со нас.

- Тогаш да излеземе и да гласаме на 30 септември „за“ европска Македонија, рече Ахмети, додавајќи дека 30 септември ќе донесе перспектива за нашата земја и затоа треба да се гласа „за“ европска Македонија.

Хрватска силно ве поддржува, сега кога се соочувате со многу важна одлука за претстојниот референдум. Вие припаѓате во семејството на ЕУ и НАТО, а Хрватска е подготвена да ви помогне на тој пат, со тоа што ќе го споделиме нашето искуство.