Премиерот Зоран Заев во рамки на посетата на САД денеска се сретна со претставници на Форумот за демократска Македонија (ФДМ) - заедница на иселеници од Македонија и нивни потомци од целиот свет, на која, како што соопшти владината прес-служба, е изразена поддршка од заедницата на нашите иселеници за референдумот и за патот кон ЕУ и НАТО.

Членството во ЕУ и НАТО ќе овозможи инвестиции кои ќе отворат нови работни места и на тој начин ќе се сопре трендот на иселување на младите, рече на денешната прес конференција, пратеничката во Собранието, Лидија Тасевска и повика граѓаните да го поддржат референдумот.

Агенцијата за аудио и аудиовизуелни медиумски услуги ги потсетува радиодифузерите дека резултати од испитувања на јавното мислење во врска со референдумот може да се објавуваат најдоцна пет дена пред датумот одреден за гласањето. Оттаму, резултати од анкети на јавното мислење може да се објавуваат заклучно со 24 септември 2018 година.

Општинската изборна комисија во Кичево е во целост подготвена за референдумското изјаснување. Утре ќе се изврши и обука на членовите на избирачките одбори, се со цел денот на изјаснувањето да помине во најдобар ред, вели преседателката на општинската изборна комисија Антигона Сефери.

Поголеми избори и појасно изјаснување од претстојниот референдум нема да имаме. Таа порака граѓаните ќе ни ја упатат на 30 септември и затоа нашиот повик до сите е да го искористат тоа право и да го кажат својот став, одговори министерката за одбрана Радмила Шекеринска на новинарско прашање дали предвремените парламентарни избори се опција „Б“ по изјаснувањето на пратеници од ВМРО - ДПМНЕ дека нема да гласаат за уставните измени.

Европарламентарците Кнут Флекенштајн и Едуард Кукан денеска во Скопје им порачаа на граѓаните да кажат „да“ на претстојниот референдум, нагласувајќи оти од тоа зависи европската интеграција на земјата. Тие денеска на прес-конференција во Скопје напоменаа дека спорот е препрека за интеграцијата на земјата, бидејќи одлуките во Унијата се носат консезуално.

Јавното обвинителство ќе ги следи евентуалните противправности при организирањето и спроведувањето на референдумот, и за таа цел е формирана Комисијата, а за претседател е назначен обвинителот Џељаљ Бајрами.

Калавера ги повика сите вклучени во преговарачкиот процес да ги искористат сите алатки кои им стојат на располагање за подобри преговори за членство и напредок на патот кон ЕУ.

Ова денеска го истакна претседателот на македонското Собрание Талат Џафери на конференцијата „Поттикнување на политички дијалог и консензус“ што се одржува во Собранието на Република Македонија на која учествуваат пратеници од Европарламентот, пратеници од парламентите на земјите од Западен Балкан, претставници на младински организации.

На нашите млади им треба европска Македонија. Избираме да бидеме дел од демократскиот свет за да создадеме можности за подобар живот за нашите деца.