Kосовскиот претседател Хашим Тачи го прими денеска на работна средба лидерот на Демократската партија на Албанците во Македонија Мендух Тачи, со кого разговарал за актуелните процеси во двете земји и во регионот, јави дописникот на МИА од Приштина.

Половина од запишаните избирачи плус еден да излезат на гласање, и половина од излезените плус еден да гласаат „за“. Тоа се двата услова кои треба да бидат исполнети на претстојниот консултативен референдум на 30 септември, појаснија на денешниот брифинг од ДИК.

Партијата за Движење на Турците (ТХП) продолжува да ги информира граѓаните од турската етничка заедница за важноста на престојниот референдум кој ќе се одржува на 30-ти септември. Со таа цел ТХП синоќа организира средба во Куманово, каде се обрати и претседателот на ТХП, пратеникот Енес Ибрахим.

Демократската Унија за Интеграција за време на вчерашниот ден за да ги информира граѓаните во врска со важноста на процесот на гласањето ЗА Европска Македонија на 30 септември, одржа средба со граѓаните во Општина Студеничани.

ЕУ и НАТО велат вратите се отворени, добредојдени сте, но нивното тука завршува. На ред сме ние - на 30 септември треба заедно да влеземе низ отворените порти кон НАТО и ЕУ. Одлуката е исклучително наша и само ние можеме да ја донесеме, порачуваат од Коалицијата „Излези за европска Македонија“.

Демократската партија на Албанците (ДПА) вечерва во рамки на кампањата „Еден чекор напред за НАТО и ЕУ“ одржа средби со жителите на општините Џепчиште и Желино.

Лидерот на Демократската унија за интеграција Али Ахмети денеска порача дека на 30 септември се гласа иднината на оваа земја, ќе се гласа дали ќе имаме стабилна држава со развој и напредок.

Би било погрешно да ви кажам како да гласате, но гласањето во овој момент е најголем императив и во таа смисла ќе посочам на една изрека која гласи „ако не гласаш, тогаш немаш право на мислење“, рече поранешниот генерален секретар на НАТО, Џорџ Робертсон на вечерашната трибина со битолчани.

Нашето членство во ЕУ и во НАТО нема да биде подарок. Во изминативе години покажавме дека направивме и жртвувавме многу за Македонија да дојде до вратата на ЕУ и НАТО. Ние сме подготвени да го завршиме нашиот дел од работата. Кога ќе влегуваме во НАТО и ЕУ ќе влеземе како Македонци, ќе кажеме дека го говориме мајчиниот македонски јазик и ќе бидеме горди на нашата македонска култура и традиција и нашиот идентитет ќе го зацврстиме.

Нема да вршиме влијание на граѓаните како да се изјаснат, тоа е нивно политичко и со закон загарантирано право, но сакаме сите да ги повикаме да излезат на референдум и да не дозволат никој да манипулира со нивниот глас и сите да им помогнат на здравите структури да се избориме со јазикот на омраза, со лажните вести, со спиновите и црната пропаганда.