Одѕивот на гласачите на денешниот референдум според ПВТ програмата.е 36,6 проценти, со маргина на грешка од +/- 1 процент, соопшти Граѓанската асоцијација МОСТ на вечерашната прес-конференција.

Пратеничката и претседателка на Унијата на жени на ВМРО-ДПМНЕ, Даниела Рангелова, потврди дека на референдумот излегла и гласала „против“.

Според обработените 80 проценти од избирачките места што ги објави Државната изборна комисија на својата веб страница, „за“ на референдумското прашање се изјасниле 91,2 проценти или 458.053 граѓани, а „против“ биле 5,86 проценти или 29.448 граѓани. Неважечки се 2,94 проценти.

Според истите информации, Ципрас го пофалил Заев за „одлучноста и храброста да продолжи со спроведувањето на договорот“.

Главна тема во балканските медиуми е денешниот референдум кој се оддржа во нашата земја.

Според последните официјални бројки на Државната изборна комисија, излезноста на референдумот е 34,76% или на истиот гласале 623.147 граѓани.

Претседателот на Собранието Талат Џафери ги искажа своите импресии по референдумот одржан денеска во Македонија. Првиот човек на Собранието не гласаше на референдумот поради тоа што неговото име го немало на избирачкиот список.

Лидерот на Движењето БЕСА Африм Гаши вечерва на прес-конференција во Скопје оцени дека изборниот ден, со мали забелешки, поминал на најдобар можен начин и граѓаните имале можност да ја изразат слободно својата волја.

Голем дел од општеството го поддржа договорот, друг дел го гледа со скептицизам, но Грција го почитува изборот на граѓаните од соседната земја, соопштуваат од Министерството за надворешни работи на Грција во однос на резултатите од референдумот, кои ги коментираат како контрадикторни.