Драгиша Милетиќ, претседателот на Српската напредна странка во Македонија беше еден од главните учесници на маршот на власта во кампањата за гласање „За“ на референдумот кој ќе се одржи на 30 септември месецов.

Трибина со граѓаните на Кичево попладнево одржа лидерот на ДУИ Али Ахмети кој беше придружуван од преседателот на Собранието Талат Џафери, вицепремиерот Хазби Лика, градоначалникот на општина Кичево Фатмир Дехари и шефот на Штабот на ДУИ за референдумот за Кичево, министерот за економија Крешник Бектеши.

Преполни автобуси денеска од сите градови пристигнаа во Скопје по повод маршот за претстојниот референдум организиран од страна на Владата и Собранието на Република Македонија.

Кризниот штаб кој настапува под слоганот „Макеоднија бојкотира“ денеска имаше средби со граѓаните на Делчево и Македонска Каменица. Како што истакна Јанко Бачев, претставник на кризниот штаб против референдумот, целта на денешната средба со граѓаните од овие две општини е да се пренесе пораката за неизлегување на претстојниот референдум.

Сонуваме сите 27 години и денеска конечно сме исправени да го оствариме нашиот сон, да обезбедиме европска иднина за нашите деца и генерациите после нас. НАТО и ЕУ не поврзува сите, затоа оваа аспирација конечно имаме шанса да ја зграпчиме и бидеме горди оти сме успеале, порача премиерот Зоран Заев на граѓанскиот собир пред седиштето на Делегацијата на ЕУ, во организација на Коалицијата Заедно за европска Македонија.

Во Скопје попладнево се одржува Марш за европска Македонија, кој го организира Коалицијата Заедно за европска Македонија, а кој треба да финишира со голем собир на кој ќе се обратат премиерот Зоран Заев и претседателот на Собранието Талат Џафери.

Во рамките на кампањата за престојниот референдум, Партијата за Движење на Турците (ТХП) одржа митинг во Радовиш. Настанот привлече големо внимание, а на присутните им се обратија Претседателот на ТХП, пратеникот Енес Ибрахим, како и потпретседателот на СДСМ, Благој Бочварски.

Бизнис заедницата е едногласна во ставот дека на македонската економија и е неопходен успешен референдум и заокружување на процесите околу членството во ЕУ и НАТО.

Народниот правобранител утре ќе отвори бесплатна телефонска линија 0800 54321, со цел да им помогне на граѓаните во остварувањето и заштитата на гласачкото право на слободно изразување на нивното мислење и став по однос на референдумското прашање.

Референдумот е најмоќната алатка на демократијата. Затоа на 30 септември граѓаните треба да излезат на гласање и да го кажат својот став во кој правец сакаат да се движи Македонија. Граѓанска должност е да се учествува во градењето на македонската иднина преку гласањето на референдумот, се дел пораките што ги упатија поддржувачите на референдумот вчера на Меѓународниот ден на демократијата.