Под мотото „Заедно за европска Македонија“, Демократската унија за интеграција вечерва во Дебар одржа средба со граѓани во рамки на кампањата за референдумот што ќе се одржи на 30 септември.

Косовскиот премиер Рамуш Харадинај денеска се сретна со лидерот на Демократската партија на Албанците (ДПА) во Македонија Мендух Тачи, по што порача дека „Албанците треба да се определат за Македонија во ЕУ и НАТО“, јави дописникот на МИА од Приштина.

Министерот задолжен за дијаспора, Едмонд Адеми во придружба на директорот на Агенцијата за иселеништво на Република Македонија, Никола Шалваринов, денеска имаа средба со претседателот на Република Словенија, Борут Пахор и со претседателот на националното Собрание (Државни збор) на Словенија, Дејан Жидан.

- Раководството на ВМРО-ДПМНЕ за сите овие години велеше дека граѓаните ќе одлучат за името на референдум, а сега кога има референдум тие бегаат и велат дека немаат став. Кога во политиката немате став, значи дека немате аргументи, односно дека знаете оти сте на погрешната страна, истакна Шекеринска.

- Ќе гласам ЗА, не затоа што мислам дека неговото спроведување нема да предизвика негативни последици, туку затоа што негативните последици од неговото пропаѓање ќе бидат несразмерно поголеми.

Движењето Беса кампањата за референдумот ја започна од Општината Желино каде што оствари неколку средби со граѓаните од оваа општина.

Општинската изборна комисија во Кичево за претстојниот референдум ќе биде во ист состав како и за време на локалните избори, исто така ќе има и ист број на избирачки места 120, но овој пат ќе бидат само преставници од администрацијата, без преставници на политичките партии.

- Независност и слобода. Тоа се стремежите за кои нашиот народ се бореше низ славното минато. 8 септември деведесет-и-првата (91-та), беше остварување на тој идеал, историски ден кога граѓаните, на референдум, избраа иднина во своја, самостојна и независна држава.

Власта и опозицијата да бидат заедно бидејќи се работи за иднината на државата и за иднината на следните генерации.

- Ќе одам да ги посетам нашите македонски пријатели и јасно ќе ставам до знаење дека САД го поддржуваат македонскиот народ, рече Матис во изјава за новинарите во Пентагон.