Тој нагласи дека Договорот од Преспа е резултат на тежок компромис. Но, со визија и прагматизам страните дошле до компромис кој се надоврзува на стартешките цели - стабилност и проесперитет во земјите и во регионот и вредносите на НАТО и ЕУ.

Делегација на ОБСЕ/ОДИХР, предводена од амбасадорот Јан Петерсен, шеф на мисијата на ОБСЕ/ОДИХР во Скопје за следење на референдумот и Марек Мрачка, аналитичар за медиуми, денеска имаа средба со директорот на Агенцијата за аудио и аудиовизуелни медиумски услуги Зоран Трајчевски.

Пристапот до младинските програми на ЕУ за младите од Македонија ќе значи можност за студирање на најдобрите универзитети во Европа и развивање на вештините неопходни за активно учество на пазарот на трудот.

Се интензивира кампањата за референдумот на 30 септември. Коалицијата „Излези за европска Македонија“ денеска има средби со граѓаните во Македонска Каменица и во Делчево. Собранието, како овластен предлагач, исто така, ја почна кампањата со објави во некои медиуми. Вчера најава дека почнуваат кампања имаше и од ДПА, Беса и Алијанса на Албанците.

Со митинг во Спортската сала на Средното медицинско училиште „Никола Штејн“ во Тетово ДУИ вечерва ја започна својата кампања „Излези за европска Македонија“.

Одлуката на претстојниот референдум е надпартиска, таа е за Македонија, за влез на земјата во Европската унија и НАТО, за живот за сите во Македонија.

Република Македонија со Договорот од Преспа го смени името, но Грција со него го прифати и призна македонскиот идентитет и македонскиот јазик, порача денеска премиерот Зоран Заев на трибината во Свети Николе: „Излези ЗА европска Македонија“.

Свесни за предизвиците при имплементацијата на преспанскиот договор, но и за потребните чекори за остварување на националните стратешки цели, Либералната партија сака да даде придонес кон донесувањето на тешката, но правилна одлука за сегашноста и иднината на државата и граѓаните низ позитивно изјаснување на референдумот.

Министерот за надворешни работи, Никола Димитров при денешната посета на Штип истакна дека иако партиите во земјава не се согласуваат за многу работи и се поделени, сепак 70 до 80 отсто од нив и голем дел од јавноста смета дека нашата иднина е во НАТО и Европската унија. Тој потсети дека пред два дена прославивме и 27 години од референдумот од 1991 година.

Цел свет гледа дека Македонците се цврсто решени по секоја цена да го спречат геноцидот врз македонскиот народ. Соочени сме со историски момент каде е важно како Македонци да останеме свои на своето. После неуспешниот референдум ќе падне марионетската влада во Скопје и тие ќе немаат време да ги остварат заканите што ги упатуваат на терен спрема граѓаните да излезат на гласање.