Поранешниот советник во Општина Кавадарци и висок функционер на СДСМ, Горан Белевски, на социјалната мрежа фејсбук се дистанцираше од партијата и истакна дека нема да агитира за гласање „За“ на претстојниот референдум.

Успешниот референдум е само начин да се добие политички легитимитет на договорот за името со Грција, но не и услов истиот да стапи во сила, порача министерот за надворешни работи Никола Димитров на денешната трибина во Тетово.

Најголемата албанска опозициска партија, Демократската (ДП), побара од Албанија и од Косово „да сторат се за позитивен резултат на референдумот во Македонија кој е од огромно значење за оваа земја“.

Општинската изборна комисија (ОИК)-Штип почна со подготовките за спроведувањето на референумот на 30 септември. Претседателката на ОИК-Штип, Сенка Андреева вели дека ќе се формираат вкупно 77 Избирачки одбори наместо 80, заради припојувањето на жителите од три штипски села, каде има помалку од 10 гласачи, кон најблиското избирачко место.

Министерот за надворешни работи Никола Димитров ја започна кампањата за референдумот насловена „За европска Македонија“ со посета на Тетово и средба со градоналничката Теута Арифи. Според Арифи, токму поголемите, пошироките објаснувања околу референдумот и неговата важност за иднината на Македонија се главна цел на посета на Димитров на Тетово.

За еден месец имаме историска можност да ја обезбедиме европската иднина на нашата заедничка татковина, како рамноправен дел од ЕУ и НАТО.

Верувам во мудроста на македонските граѓани и убеден сум дека тие ќе знаат да ја донесат вистинската одлука на претстојниот референдум, рече американскиот заменик-државен секретар за Европа и Евроазија Метју Палмер на денешната средба со заменик-министерот за надворешни работи на Македонија Андреј Жерновски во Дубровник.

ДУИ од 10 септември ќе ја почне кампањата за референдумот во чии рамки на граѓаните ќе им ги објаснува предизвиците пред кои се наоѓа земјата и придобивките од членството на Македонија во НАТО и ЕУ.

Убеденост дека граѓаните ќе го поддржат Договорот од Преспа, бидејќи „кога сме на големи историски крстопати, носиме мудри одлуки“, изразува шефот на македонската дипломатија, во интервју за Независната балканска новинска агенција (ИБНА).

Членовите на Централниот одбор на Демократската унија за интеграција синоќа во Скопје ја усвои политичка платформа за референдумот со цел интеграција на Македонија во НАТО и Европската унија.