Канцеларката Ангела Меркел во денешниот телефонски разговор со премиерот Зоран Заев ја потврдила поддршката на Германија за постигнатиот Договор меѓу Македонија и Грција. Воедно дала поддршка и на напорите на Владата за зајакнување на европските и атланските перспективи на државата.

Вкупно 2.060 пријави од граѓани за гласање во дипломатско-конзуларните претставништва на Република Македонија во странство заклучно со денеска до 12 часот, доставени се до Државната изборна комисија преку веб апликацијата www.dijaspora.se​c.mk.

Европскиот комесар за проширување Јоханес Хан за МИА изјави дека жали поради недостатокот на национално единство околу референдумот за Договорот со Грција и им порачува на граѓаните да го искористат своето право на глас за да ја обликуваат сопствената иднина и иднината на државата.

Не сме заинтересирани да видиме само решение на проблемот кој го имавте со Република Грција, туку сме подготвени и да се ангажираме и да помогнеме за отворањето на вратите на ЕУ за напредокот на Македонија и да пружиме помош, дури и во овој момент, иако преговорите не се почнати, за унапредување во соработката со ЕУ, рече денеска европратеникот Рајнхард Бутикофер на средбата со премиерот Зоран Заев.

Осумдесет милиони денари ќе чини кампањата што ќе се спроведе за претстојниот референдум. На денешната владина седница е донесена одлука со која се задолжува Министерството за финансии да подготви предлог-одлука за обезбедување на овие средства од тековната буџетска резерва.

Се надевам дека народот на Македонија ќа ја искористи можноста на референдумот да гласа за иднината на земјата. За едно толку важно прашање должност на секој граѓанин е да гласа.

Досегашната и идната меѓуинституционална соработка беше тема на денешната средба меѓу членови на Државната изборна комисија и директорот на Државниот завод за статистика Апостол Симовски.

Собранието на Република Македонија ќе формира Координативно тело за спроведување на референдумот на државно ниво на 30 септември и водење на јавна кампања.

Собранието ќе се вклучи во јавната кампања за референдумот, а информациите како тоа ќе го направи ќе ги презентира преку соопштение за јавноста во текот на денот. Се очекува да бидат објавени и средствата што ќе бидат одвоени за кампањата. Други детали засега официјално не се соопштуваат.

Првата средба на претседателот на Собранието Талат Џафери со потпретседателите, координаторите на пратеничките групи и претставникот на Владата по одморите е најавена за денеска претпладне. Според најавите, во фокусот ќе биде референдумот закажан за 30 септември и неговата кампања.