До денеска до 12 часот, преку веб- апликацијата www.dijaspora.sec.mk до Државната изборна комисија (ДИК) се доставени вкупно 1.725 пријави од граѓани за гласање во Дипломатско-конзуларните претставништва на Република Македонија во странство.

Министерствата и органите на државната управа до среда треба да достават информации за средствата кои ги имаат на располагање за референдумот, а Владата на седница да ја одреди сумата што ќе се одвои за кампања.

Здруженијата кои се противат на референдумот денеска побараа пари од државата за кампањата „Македонија бојкотира“. Но, и доколку Владата не обезбеди средства за овие 28 здруженија, тие ќе одвојат свои пари за пропаганда против референдумот.

Државната изборна комисија (ДИК) денеска на седница избира членови за избирачките одбори во дипломатските конзуларни претставништва и конзуларните канцеларии на Република Македонија во странство. Во одлуката се наведува дека членовите на избирачките одбори во ДКП-та ќе бидат со мандат само за гласањето на референдумот што надвор од Македонија ќе се спроведе на 29 септември.

Ниту еден денар од парите наменети за Армијата на Република Македонија не е опфатен со измената, односно со одвоените 60 милиони денари од Минстерството за одбрана за кампања за референдумот, одговори денеска министерката Радмила Шекеринска на обвинувањата на Синдикатот на одбраната за наводно „скратени пари“ од МО и АРМ.

Собранието на Република Македонија денеска започна со редовната работа по одморите иако интензитетот се очекува да се зголеми од среда за кога е закажана координативна средба на претседателот на Парламентот Талат Џафери со координаторите на пратеничките групи.

До Државната изборна комисија преку веб апликацијата www.dijaspora.se​c.mk до денеска до 12 часот се пријавиле 1.459 граѓани за гласање во дипломатско-конзуларните претставништва на Република Македонија во странство за претстојниот референдум. Најголем е интересот за гласање на македонските иселеници во Берн и во Љубљана.

До среда ќе се знае колку ќе чини кампањата за претстојниот референдум. На следната владина седница, која според најавите ќе се одржи во среда, официјално ќе се одреди сумата која ќе се оддели за кампањата.

На наредната владина седница, в среда, ќе се знае колку средства ќе се одделат за кампањата за претстојниот референдум за договорот меѓу Македонија и Грција. Досега само Министерстото за одбрана излезе со информација колку средства ќе намени за претстојниот референдум.

Во минатото во многу наврати кажавме дека ВМРО-ДПМНЕ е народна партија и легитимитетот на битисувањето на постоењето како организирана политичка гарнитура го црпи од народот и во име на тоа ние сакаме да извршиме што е можно посеопфатна и потемелна консултација со граѓаните на Република Македонија.