Министерството за одбрана ќе стави на располагање нешто помалку од 60 милиони денари за кампањата за претстојниот референдум за договорот меѓу Македонија и Грција, изјави денеска министерката за одбрана Радмила Шекеринска на Отворениот ден на АРМ за граѓаните по повод Денот на Армијата на Република Македонија - 18 Август.

Советот на Агенцијата за аудио и аудиовизуелни медфиумски услуги на денешната седница, го донесе Упатството за медиумско претставување за време на референдумот, со кое се доделуваат дополнителни девет минути за платена јавна пропаганда во еден час.

Претседателот на ДИК Оливер Дерковски денеска изјави дека нема фантоми на Избирачкиот список, кој според него е динамична категорија и никогаш нема да биде идеално чист, затоа што во списокот се наоѓаат лица кои на дневна основа се менуваат.

До денеска до пладне 2.658 граѓани ги провериле своите податоци во Избирачкиот список во подрачните канцеларии на Државната изборна комисија (ДИК), додека преку веб страната на Комисијата односно електронски тоа го направиле 11.481 граѓанин.

Заев порача дека сите имаат одговорност професионално да одговорат на своите должности. - Верувам дека секој ја знае својата професионална и човечка одговорност за овој важен процес. Должни сме сите професионално да си ја завршиме работата, потенцира Заев.

Сите оние кои сакаат интегрирана Македонија во НАТО и Европската унија ќе го поддржат референдумот на 30 септември, вклучувајќи ја и опозицијата, бидејќи евроатланската интеграција на земјата е исто така нивна програмска определба, истакнал лидерот на Демократската унија за интеграции Али Ахмети на средбата со амбасадорот на Холандија во Македонија, Ваутер Пломп.

Државната изборна комисија (ДИК) денеска ќе ја одржи 4. седница на која на дневен ред се повеќе точки поврзани со организацијата и спроведувањето на есенскиот референдум.

Над илјада македонски државјани кои живеат во странство се пријавиле да учествуваат на претстојниот есенски референдум. Државната изборна комисија (ДИК) се очекува денеска на седница да избира членови на избирачки одбори кои ќе го спроведат гласањето во дијаспората.

Со интензивирање на кампањата за претстојниот референдум за Договорот меѓу Македонија и Грција, се засилуваат и разни дезинформации и шпекулации.

Вкупно 990 пријави од граѓани за гласање во дипломатско-конзуларните претставништва на Република Македонија во странство. се доставени до денеска во 13 часот преку веб апликацијата www.dijaspora.sec.mk до Државната изборна комисија.