Граѓанската асоцијација МОСТ денеска ги повика граѓаните да ги проверат своите податоци во Избирачкиот список во подрачните канцеларии на Државната изборна комисија, како и на интернет-страницата http://izbirackispisok.gov.mk. Увидот во Избирачкиот список за претстојниот референдум трае до 23 август.

Министерствата и другите органи на државната управа имаат уште два дена рок за да достават информации до Министерството за финансии за средствата што ги имаат на располагање, што би можеле да се пренаменат за кампањата за референдумот.

До Државната изборна комисија (ДИК) до денеска до 13:00 часот се доставени вкупно 862 пријави од македонски државјани за гласање во дипломатско-конзуларните претставништва во странство.

Владата на наредната седница ќе донесе конкретен план и програма за одвивање на целата кампања за референдумот, вклучително и за средствата што ќе се потрошат за таа намена, изјави денеска владиниот портпарол Муамет Хоџа.

Партијата на Македонците во Србија (Странка Македонаца у Србији - СМС) го поддржува престојниот референдумво Македонија и ги повикува македонските државјани во Србија да се пријават до 23 август во амбасадата на Република Македонија во Белград, за да можат да го остварат своето гласачко право.

Продолжува јавниот увид во Избирачкиот список за референдумот на 30 септември, а паралелно до 23 август тече и рокот за пријавување на македонските државјани за изјаснувањето.

Владата најави промотивна и информативна кампања во пресрет на референдумот на 30 септември за прашањето „Дали сте за членство во НАТО и ЕУ со прифаќање на договорот меѓу Република Македонија и Република Грција?”.

Владата денеска на седница донесе одлука за спроведување на кампања од јавен интерес за референдумот за прашањето „Дали сте за членство во НАТО и ЕУ со прифаќање на договорот меѓу Република Македонија и Република Грција?”.

По завршување на летните одмори кампањата ќе биде интензивирана и ќе се користат сите достапни методи, во согласност со Законот за референдум и дефинираниот јавен интерес, најави Бојан Маричиќ, посебен советник за евро-атлантски интеграции во Владата на Република Македонија.

Преку веб-апликацијата dijaspora.sec.mk до Државната изборна комисија до денеска до 14 часот доставени се вкупно 742 пријави од граѓани за изјаснување во дипломатско-конзуларните претставништва на Република Македонија во странство за претстојниот референдум за името.