Ценовникот е ист за сите закупувачи на рекламен простор, со тоа што овластениот предлагач има право на избор на позиција за рекламирање.

Македонските иселеници во Швајцарија и Австрија до сега најзаинтересирани за гласање на претстојниот референдум.

Вкупно 251 пријава од граѓани за гласање во дипломатско-конзуларните претставништва на Република Македонија во странство се доставени заклучно со денеска до 12 часот, преку веб апликацијата до Државната изборна комисија.

Македонското друштво „Илинден“ со седиште во Тирана и огранокот за Голо Брдо преку денешното соопштение ги повикува Македонците во Република Албанија и ширум светот да се евидентираат во избирачкиот список, но да го бојкотираат претстојниот референдум распишан на 30 септември 2018 година.

Државната изборна комисија (ДИК) апелира до граѓаните да ги проверат своите податоци во Избирачкиот список за време на јавниот увид за есенскиот референдум што трае до 23 август. Од таму нагласуваат дека промените во Избирачкиот список може да се направат само со поднесување соодветна документација.

Министерот за дијаспора Едмонд Адеми ја повикува дијаспората до 23 август 2018 година да се пријави за остварување на гласачкото право на престојниот референдум на веб страницата на Државната изборна комисија https://dijaspora.sec.mk/Default.aspx.

Државната изборна комисија (ДИК) денеска ќе одржи седница на која на дневен ред е предлог-одлука за дополнување на Правилникот за подготвка, организирање и спроведување на референдумот на државно ниво.

Најдоцна до 7 септември ДИК ќе го заклучи Избирачкиот список во кој ќе бидат извршени сите промени што произлегле од увидот, така што се очекува бројката на гласачи да се промени.

Доколку решат да дојдат во Македонија и да се изјаснат тука, тогаш иселениците нема потреба да се пријават во ДКП-та или преку апликацијата. Нивните имиња, како што објаснуваат од ДИК за МИА, ќе бидат запишани во изводот од Избирачкиот список со последната пријавена адреса во Македонија.

Разликата од 6,4 проценти во корист на анкетираните граѓани во Македонија кои би дале поддршка на референдумското прашање „Дали сте за членство во ЕУ и НАТО, со прифаќање на Договорот од Преспа“, се чини предизвикува доза на оптимизам во Атина и Скопје.