Претседателот на Движењето Беса Биљал Касами по гласањето на избирачко место во тетовската гимназија „Кирил Пејчиновиќ“ изјави дека денеска е голем ден за Македонија затоа што граѓаните првпат гласаат за многу важна одлука - за членство во Европската Унија и НАТО.

Граѓаните да излезат што помасовно денеска и да се изјаснат за референдумското прашање, порача лидерот на Алијансата на Албанците, Зијадин Села по остварувањето на гласачкото право во струшкото село Ливада.

Лидерот на ДУИ Али Ахмети денеска гласаше на избирачкото место број 0816 во Зајас. По изјаснувањето Ахмети истакна дека ова е историски момент за земјата и оти се надева дека граѓаните мирно и достоинствено ќе излезат и ќе гласаат според нивното убедување, било да е тоа „за“ или „против“.

Убеден сум дека граѓаните нема да ја пропуштат оваа историска можност Република Македонија да стане полноправна членка на НАТО и на Европската унија.

Денес мора да победи Република Македонија, а потоа и нејзините граѓани, бидејќи заслужуваат убав живот и поубава иднина. 30 септември е еден од позначајните датуми, 2018 треба да биде запаметена како година на историска одлука, која граѓаните на Македонија треба да ја донесат денеска, изјави градоначалникот на општина Куманово, Максим Димитриевски по гласањето.

Претседателот на ДПА Мендух Тачи денеска заедно со своето семејство гласаше на избирачкото место во старата градинка „Младост“ во Тетово.

Потпретседателката на Собранието Фросина Ташевска-Ременски денеска во училиштето „Кочо Рацин“ го оствари нејзиното право на глас.

На денешниот референдум до 18:30 часот излегле на гласање 34,09 отсто од вкупно запишаните во Избирачкиот список, соопшти претседателот на ДИК Оливер Деркоски.

Во 19 часот се затворени избирачките места на кои граѓаните можеа да се изјаснат на прашањето „Дали сте за членство во ЕУ и НАТО, со прифаќање на договорот на Република Македонија и Република Грција?“ со заокружување „за“ или „против“.

Во 19 часот се затворени избирачките места на кои граѓаните можеа да се изјаснат на прашањето „Дали сте за членство во ЕУ и НАТО, со прифаќање на договорот на Република Македонија и Република Грција?“ со заокружување „за“ или „против“.